ផ្នែកសាងសង់ និង សម្ភារសំណង់

បុត្រ​សម្ព័ន្ធ​របស់​យើង​ទាំង​អស់​ក្នុង​ផ្នែក​នេះ ​​​​​​បាន​នឹង​​កំពុង​ធ្វើ​យ៉ាង​រួម​គ្នា​ប្រកបដោយ​សាមគ្គីភាព ​ដើម្បី​​​​​ឆ្ពោះ​ទៅ​កាន់​​​​គោលដៅ​រួម​​របស់​យើង​ ​គឺ ​បង្កើត​ ​និង ​​កសាង​​​ផ្នែក​សាងសង់​ ​និង ​​សម្ភារ​សំណង់​​​​ឲ្យ​ប្រសើរ​ឡើង​។ ​ពួក​យើង​មាន​បំណង​​​​ក្នុង​ការ​អភិវឌ្ឍ​​ ​​និង​​​​ ​លើក​​កម្ពស់​​​ ​ការ​ប្រើប្រាស់​​សម្ភារ​​សំណង់​ ​​​ប្រកបដោយ​ភាព​ច្នៃប្រឌិត​​ ​​តម្លៃ​សមស្រប​ ​និង ​​​​​​​​មិន​ប៉ះពាល់​ដល់​បរិស្ថាន​។ ​​ជាមួយ​នឹង​ចំណេះដឹង​​​​​​​យ៉ាង​ពេញលេញ​​ក្នុង​ផ្នែក​សាងសង់​ ​និង ​សម្ភារ​សំណង់​​​​ ​យើង​នៅ​តែ​បន្ត​ស្វែងរក​​​វិធីសាស្ត្រ​ថ្មីៗ​​ ​​និង ​​មាន​ប្រសិទ្ធភាព​ខ្ពស់​​ក្នុង​​​​​វិស័យ​សំណង់​​។

ISI STEEL

ផ្នែកសាងសង់ និង សម្ភារសំណង់

ក្រុមហ៊ុន ISI STEEL

ចាប់​ផ្តើម​ពី​អាជីវកម្ម​កិន​ស័ង្កសី​លក្ខណៈគ្រួសារ​តូច​មួយ​ក្នុង​ឆ្នាំ​១៩៩៧ ​ក្រុមហ៊ុន​ ISI STEEL គឺ​ជា​ក្រុមហ៊ុន​ដំបូង​នៅ​ក្នុង​គ្រួសារ ISI GROUP ​របស់​យើង​។ ​ISI STEEL​ បាន​វិវឌ្ឍ​ខ្លួន​យ៉ាង​ជោគជ័យ​ពី​អាជីវកម្ម​តូច​មួយ​ រហូត​ក្លាយជា​ក្រុមហ៊ុន​សាជីវកម្ម​ខ្នាត​មធ្យម​ឈាន​មុខ​គេ​នៅ​ក្នុង​ប្រទេស​កម្ពុជា ​ដោយ​ផ្ដោត​ទៅ​លើ​ឧស្សាហកម្ម​កែច្នៃ​ដែក។ បច្ចុប្បន្ន​នេះ ជា​មួយ​នឹង​ការ​បំពាក់​នូវ​បរិក្ខារ​ផលិត​ទំនើបៗ​ ​ប្រព័ន្ធ​គ្រប់គ្រង​និង ​បច្ចេកវិទ្យា​លំដាប់​ពិភពលោក​ ​បូករួម​ទាំង​ការ​លះបង់​ខ្ពស់​របស់​បុគ្គលិក​ ​និង បណ្ដាញ​ចែកចាយ​ទូលំទូលាយ​ទូទាំង​ប្រទេស​ធ្វើ​ឲ្យ ISI STEEL ​ក្លាយ​ជា​ក្រុមហ៊ុន​ដ៏​ជោគជ័យ​មួយ ដោយ​ទទួល​បាន​ទំនុកចិត្ត​ខ្ពស់​ពី​អតិថិជន​។

លម្អិតបន្ថែម​

ចំនួន​បុគ្គលិក

១១០០+

ចំនួនសាខា

១៧

​​​ទំហំ​ផ្ទៃក្រឡា​​សំណង់ដែល​ប្រើប្រាស់​ផលិតផល​ ISI STEEL

ជាង​​ ៥០​ លាន​​ម៉ែត្រការ៉េ

Fuxin

ផ្នែកសាងសង់ និង សម្ភារសំណង់

ក្រុមហ៊ុន Fuxin

បង្កើត​ឡើង​ក្រោម​គោលការណ៍​នៃ​ភាព​ច្នៃប្រឌិត​ ក្រុមហ៊ុន Fuxin​ គឺ​ជា​ក្រុមហ៊ុន​សាងសង់​សំណង់​អគារ​ដែក​ដំបូង​គេ​ក្នុង​ប្រទេស​កម្ពុជា ​សម្រាប់​សំណង់​អគារ​ពាណិជ្ជកម្ម​ ​​ឬ ​ហាង​លក់​ទំនិញ​ កន្លែង​ស្តុក​ទំនិញ ផ្នែក​ដឹក​ជញ្ជូន​ ​កីឡា​ ​និង​ ​កន្លែង​កម្សាន្ត។ ​Fuxin​ គឺ​ជា​ក្រុមហ៊ុន​ផ្តល់​ជូន​នូវ​ដំណោះស្រាយ​​សំណង់​​អគារ​ដែក​ឈាន​មុខ​គេ​ ​ជា​ពិសេស​នោះ​គឺ​មាន​គុណភាព​ខ្ពស់​ ​តម្លៃ​​សមរម្យ​​​ចំណេញ​ពេល​វេលា​ ​និង​​ មិន​បង្ក​ផល​ប៉ះពាល់​ដល់​បរិស្ថាន។

លម្អិតបន្ថែម​

ចំនួនគម្រោងដែលបញ្ចប់ជាស្ថាពរ

៦០០+

ប្រភេទផលិតផល

៣០០+

គម្រោង​ធំ​​បំផុត​គិត​ជា​តោន

គម្រោង​ចំណត​រថយន្ត​របស់​ផ្សារ​ទំនើប Aeon Mall Sen Sok

Global CamStar

ផ្នែកសាងសង់ និង សម្ភារសំណង់

ក្រុមហ៊ុន​ Global CamStar

ក្រុមហ៊ុន ជី ស៊ី អេស (GCS) គឺជាក្រុមហ៊ុនមួយ ក្នុងចំណោមក្រុមហ៊ុនចែកចាយ និងជួញដូរសម្ភារសំណង់ឈានមុខគេនៅក្នុងប្រទេសកម្ពុជា។ ផលិតផលម៉ាក់ល្បីៗលំដាប់ថ្នាក់អន្តរជាតិរបស់ក្រុមហ៊ុន ជី ស៊ី អេស មានដូចជាម្សៅបៀកជញ្ជាំង Camstar ផលិតផលម្នាងសិលា Gyproc Gypsum និងផលិតផលអេឡិចត្រូនិចម៉ាក Schneider Electric ជាដើម។ ក្នុងនាមជាក្រុមហ៊ុនឈានមុខគេនៅលើទីផ្សារ ជី ស៊ី អេស ផ្តល់ជូននូវដំណោះស្រាយប្រកបដោយគុណភាពខ្ពស់ដល់អតិថិជន ហើយបច្ចុប្បន្ននេះក្រុមហ៊ុនមានសាខាជាច្រើន ក្នុងទីតាំងសំខាន់ៗនៅទូទាំងប្រទេស ដើម្បីបម្រើដល់អតិថិជនជាច្រើន ដូចជា ដេប៉ូ ពាណិជ្ជករ ក្រុមហ៊ុនសាងសង់ និងអ្នកអភិវឌ្ឍគម្រោងនានា។

លម្អិតបន្ថែម​

ប្រភេទ​​ផលិតផល​

១០០+

ចំនួន​បុគ្គលិក

១៥០+

វិសាលភាពគ្របដណ្ដប់

២៥ ខេត្ត

Chungkang Steel Structure

ផ្នែកសាងសង់ និង សម្ភារសំណង់

ក្រុមហ៊ុន​ Chungkang

ដោយសារ​តែ​មាន​តម្រូវការ​ក្នុង​វិស័យ​សំណង់​មាន​ការ​កើនឡើង​ខ្ពស់​ក្នុង​ប្រទេស​កម្ពុជា​ ​ក្រុមហ៊ុន​ Chungkang ត្រូវ​បាន​បង្កើត​ឡើង​ដើម្បី​ផ្គត់ផ្គង់​គ្រោង​ដែក​ធ្ងន់ៗ​ ​ដែល​ទីផ្សារ​កំពុង​ត្រូវការ​។ ក្រុមហ៊ុន ChungKang មាន​ជំនាញ​ទៅ​លើ​អគារ​ខ្ពស់ៗ រោងចក្រ និង ​គ្រោងស្ពាន​ ប្រព័ន្ធ​បំពង់​បង្ហូរ​ឧស្ម័ន​ (petro-chemical pipe supporting system)។ ក្រុមហ៊ុន Chungkang មានលទ្ធភាពផ្គត់ផ្គង់​ទាំង​ក្នុង​ប្រទេស​កម្ពុជា​ ​និង​ ​នៅ​​តំបន់ អាស៊ាន។

លម្អិតបន្ថែម​

ចំនួន​គម្រោង​​​​​​​អន្តរជាតិ​​

១៣០

ចំនួន​បុគ្គលិក

១៨០+

ផលិតភាព​​ប្រចាំ​ខែ

៣​ ​០០០​ ​តោន