បុត្រសម្ព័ន្ធរបស់យើងទាំងអស់ក្នុងផ្នែកនេះ បាននឹងកំពុងធ្វើយ៉ាងរួមគ្នាប្រកបដោយសាមគ្គីភាព ដើម្បីឆ្ពោះទៅកាន់គោលដៅរួមរបស់យើង គឺ បង្កើត និង កសាងផ្នែកសាងសង់ និង សម្ភារសំណង់ឲ្យប្រសើរឡើង។ ពួកយើងមានបំណងក្នុងការអភិវឌ្ឍ និង លើកកម្ពស់ ការប្រើប្រាស់សម្ភារសំណង់ ប្រកបដោយភាពច្នៃប្រឌិត តម្លៃសមស្រប និង មិនប៉ះពាល់ដល់បរិស្ថាន។ ជាមួយនឹងចំណេះដឹងយ៉ាងពេញលេញក្នុងផ្នែកសាងសង់ និង សម្ភារសំណង់ យើងនៅតែបន្តស្វែងរកវិធីសាស្ត្រថ្មីៗ និង មានប្រសិទ្ធភាពខ្ពស់ក្នុងវិស័យសំណង់។
ចាប់ផ្តើមពីអាជីវកម្មកិនស័ង្កសីលក្ខណៈគ្រួសារតូចមួយក្នុងឆ្នាំ១៩៩៧ ក្រុមហ៊ុន ISI STEEL គឺជាក្រុមហ៊ុនដំបូងនៅក្នុងគ្រួសារ ISI GROUP របស់យើង។ ISI STEEL បានវិវឌ្ឍខ្លួនយ៉ាងជោគជ័យពីអាជីវកម្មតូចមួយ រហូតក្លាយជាក្រុមហ៊ុនសាជីវកម្មខ្នាតមធ្យមឈានមុខគេនៅក្នុងប្រទេសកម្ពុជា ដោយផ្ដោតទៅលើឧស្សាហកម្មកែច្នៃដែក។ បច្ចុប្បន្ននេះ ជាមួយនឹងការបំពាក់នូវបរិក្ខារផលិតទំនើបៗ ប្រព័ន្ធគ្រប់គ្រងនិង បច្ចេកវិទ្យាលំដាប់ពិភពលោក បូករួមទាំងការលះបង់ខ្ពស់របស់បុគ្គលិក និង បណ្ដាញចែកចាយទូលំទូលាយទូទាំងប្រទេសធ្វើឲ្យ ISI STEEL ក្លាយជាក្រុមហ៊ុនដ៏ជោគជ័យមួយ ដោយទទួលបានទំនុកចិត្តខ្ពស់ពីអតិថិជន។
លម្អិតបន្ថែម
Fuxin គឺជាក្រុមហ៊ុនសាងសង់សំណង់អគារដែក (pre-engineered buildings) ដំបូងគេ និងឈានមុខគេនៅប្រទេសកម្ពុជា។ ក្រុមហ៊ុន Fuxin រចនា និងសាងសង់គ្រោងអគារដែកសម្រាប់ឃ្លាំង រោងចក្រឧស្សាហកម្ម អគារពាណិជ្ជកម្ម ហាងលក់ទំនិញ រោងចក្រស្តុកទំនិញ និងភស្តុភារជាដើម។ ក្រុមហ៊ុន Fuxin ក៏សាងសង់ និងដំឡើងអគារដែកលំបាកៗនានាដូចជា អគារខ្ពស់ៗ ស្ពាន រោងចក្រផលិតថាមពល ពហុកីឡដ្ឋាន និងឤកាសយានដ្ឋានផងដែរ។
លម្អិតបន្ថែម
ជី ស៊ី អេស (GCS) ជាក្រុមហ៊ុនឈានមុខក្នុងស្រុកដែលនាំចូល និងចែកចាយសម្ភារសំណង់គុណភាពខ្ពស់ជាច្រើនប្រភេទ។ ម៉ាកយីហោល្បីៗលំដាប់អន្ដរជាតិដែលនាំចូលដោយ ជី ស៊ី អេស មានដូចជាម្សៅបៀកជញ្ចាំង Camstar ផលិតផលម្នាងសិលា Gyproc Gypsum ស៊ីម៉ងត៍ការពារជម្រាបទឹក និងគ្រឿងតុបតែង Shera ផលិតផលអេឡិត្រូនិច Scheider Electric ផលិតផល Branbert និងមានសម្ភារសំណង់ផ្សេងៗជាច្រើនទៀត។ ក្នុងនាមជាក្រុមហ៊ុនឈានមុខគេនៅលើទីផ្សារ ជី ស៊ី អេស ផ្តល់ជូននូវដំណោះស្រាយប្រកបដោយគុណភាពខ្ពស់ដល់អតិថិជន ហើយបច្ចុប្បន្ននេះ ជី ស៊ី អេស មានសាខាជាច្រើននៅទូទាំងប្រទេស ដើម្បីបម្រើជូនអតិថិជនរបស់ខ្លួន រួមមាន ដេប៉ូចែកចាយ ពាណិជ្ជករ អ្នកសាងសង់ និងអភិវឌ្ឍគម្រោងនានា។
លម្អិតបន្ថែម
COPYRIGHT, ISI GROUP 2024
