យើង​តែង​​តែ​​​យក​ចិត្ត​ទុកដាក់​​​

ដល់​សហគមន៍ជានិច្ច

កម្មវិធី​ទំនួល​ខុសត្រូវ​សង្គម

កម្មវិធី​ទំនួល​ខុសត្រូវ​សង្គម​របស់​​​​​​ ​ISI GROUP

កម្មវិធី​ទំនួល​ខុស​ត្រូវ​សង្គម​របស់​យើង​​ (CSR)​ ​គឺ​ត្រូវ​បាន​ដំណើរការ​ឡើង​ក្នុង​គោលដៅ​ដើម្បី​ជួយ​ដល់​សហគមន៍​ ​ដែល​ក្រុមហ៊ុន​របស់​យើង​កំពុង​ដំណើរ​ការ​អាជីវកម្ម​។ ​មូលនិធិ​ខេ អឹម អេច ត្រូវ​បាន​បង្កើត​ឡើង​ក្នុង​ឆ្នាំ​២០១២ ដើម្បី​ឧទ្ទិស​ និងជា​ការ​ចងចាំ​ដោយ​ក្តី​គោរព​ចំពោះ​ស្ថាបនិក​របស់​យើង​ ​គឺ​លោក​​ឧកញ៉ា​ ​កាំង​ ​ម៉េងហ៊ុយ ​​ ក្នុង​គោលបំណង​សំខាន់​ក្នុង​ការ​ផ្សព្វផ្សាយ​ ​និង​លើក​កម្ពស់​ការ​ផ្លាស់ប្ដូរ​​សង្គម​ប្រកប​ដោយ​ភាព​វិជ្ជមាន​ ​តាមរយៈ​ការអប់រំ ​ ការ​ថែទាំ​សុខភាព ​ ​កីឡា ​​និងលំនៅឋាន​ ។ ISI GROUP ​គឺ​ជា​សម្ព័ន្ធក្រុមហ៊ុន​ឈានមុខ​គេ​ផ្នែក​កម្មវិធី​ទំនួលខុសត្រូវ​សង្គម​​ ​ដោយ​បង្ហាញ​យ៉ាង​ច្បាស់​ថា ​​វិស័យ​ឯកជន​​​​​​ពិត​ជា​​មាន​​ឥទ្ធិពល​វិជ្ជមាន​​​នៅ​ក្នុង​ប្រទេស​តាមរយៈ​​គំនិត​ផ្ដួចផ្ដើម​​ដែល​មាន​ផែនការ​ច្បាស់លាស់​។

​​វិស័យ​ឯកជន​​​​​​ពិត​ជា​​មាន​​ឥទ្ធិពល​វិជ្ជមាន​​​នៅ​ក្នុង​ប្រទេស​តាមរយៈ​​គំនិត​ផ្ដួចផ្ដើម​​ដែល​មាន​ផែនការ​ច្បាស់លាស់​។

ការអប់រំ

ការអប់រំ

មូលនិធិ​​ ខេ​​ ​អឹម ​អេច​ ​គាំទ្រ​​​វិស័យ​អប់រំ​​នៅ​ក្នុង​​​ប្រទេស​កម្ពុជា ​តាមរយៈ​​​​​គំនិត​ផ្ដួចផ្ដើម​ផ្សេងៗ ​​មាន​ដូច​ជា ​​​​ការ​ជួសជុល ​និង កសាង​សាលា​រៀន​ឡើង​វិញ​​ ​កម្មវិធី​អាហារូបករណ៍​​ ​​​និង ​​ការ​បរិច្ចាគ​​​​​​អាហារ ​និង​សម្ភារ​​សាលា​​។ ​​​​​​មាន​​កុមារ​ និងយុវជន​កម្ពុជា​​​​ជាច្រើន​ជួប​បញ្ហា​ប្រឈម​ក្នុង​ការ​​ទទួល​បាន​ការ​អប់រំ​ ​​​​​​ហើយ​បញ្ហា​ទាំង​នោះ​មាន​ដូច​ជា ​​​កង្វះខាត​អគារ​សិក្សា​ ​​​​​​និងការ​ប្រឹងប្រែង​​ធ្វើការ​ដើម្បី​ជួយ​សម្រួល​ដល់​ជីវភាព​គ្រួសារ​​ដែល​​នាំ​​ឲ្យ​ខកខាន​​មិន​បាន​ចូល​សិក្សា​ជាប់លាប់​។ ​​ការ​អប់រំ​​ពិត​ជា​ ​​​មាន​សារសំខាន់​ខ្លាំង​ណាស់​ ​សម្រាប់​​​​ពង្រឹង​សមត្ថភាព​របស់​យុវជន​កម្ពុជា ​​និងដើម្បី​កសាង​​​​​​​ការ​រស់នៅ​​ឲ្យ​ប្រសើរ​ឡើង​​​សម្រាប់​​​​​​មនុស្ស​ជំនាន់​ក្រោយ​។

​​​កម្មវិធីទំនួលខុសត្រូវសង្គមរបស់យើង​

​​​កម្មវិធីទំនួលខុសត្រូវសង្គមរបស់យើង​

ដើម្បី​​​បន្ត​ដំណើរ​ឆ្ពោះ​ទៅ​​កាន់​ចក្ខុវិស័យ​របស់​​ ISI GROUP ​​មូលនិធិ​​ ​ខេ ​អឹម ​អេច​​​ ​​​​​រួម​ចំណែក​ជួយ​ដល់​​​​​​សហគមន៍ ​និង ​ស្ថាប័ន​​ជាច្រើន​។​​​​​​ ​​​ការ​ផ្ដោត​សំខាន់​លើ​ការ​ថែទាំ​សុខភាព​នេះ​គឺ ​ដោយសារតែ​​​យើង​ទទួលស្គាល់​ថា ​​​​​​​​សុខភាព​​ល្អ​​ ​​ពិត​ជា​​​​​ជួយ​​​ឲ្យ​ជីវិត​មាន​ភាព​ប្រសើរ​ឡើង​។ ​ការ​បរិច្ចាគ​​ទៅ​ដល់​ ​មន្ទីរពេទ្យ​ ​និង ​ការ​សម្អាត​​បរិស្ថាន​​​​ ​​គឺ​ជា​​​​​​គំនិត​ផ្ដួចផ្ដើម​​យក​ចិត្ត​ទុកដាក់​លើ​សុខភាព​មួយ​ចំនួន​​ ដែល​យើង​​បាន​​ធ្វើ​​ ​​ដើម្បី​បង្កើត​ ​និងកសាង​​​ការ​រស់នៅ​​ឲ្យ​ប្រសើរ​ឡើង​​សម្រាប់​គ្រប់គ្នា​។

ការ​ប្រកួត​បាល់ទាត់ ​ខេ អឹម អេច​

ការ​ប្រកួត​បាល់ទាត់ ​ខេ អឹម អេច​

​យើង​ពង្រឹង​​នូវ​សក្ដានុពល​យុវជន​​កម្ពុជា​ ​តាមរយៈ​​កីឡា​​ ​ដោយ​បង្កើត​ឱកាស​​ជាច្រើន​​សម្រាប់​ពួកគេ​ ​​​ដែល​​មិន​អាច​រក​បាន​នៅ​​កន្លែង​ផ្សេង​។​ ​កម្មវិធី​ប្រកួត​បាល់ទាត់ KMH ​​​(​​ជ្រោមជ្រែង​​ដោយ​​មូលនិធិ​ ខេ ​អឹម អេច​)​ គឺ​ជា​​​​កម្មវិធី​ប្រកួត​បាល់​ទាត់​ពាក់​កណ្តាល​អាជីព​ធំ​បំផុត​ក្នុង​ប្រទេស​កម្ពុជា។

ការ​ប្រកួត​ធ្វើ​ឡើងក្នុង​ទិសដៅ​ដើម្បី​លើក​ទឹកចិត្ត​ដល់​វិស័យ​កីឡា​​ក្នុង​ប្រទេស​កម្ពុជា។ ជាពិសេស​ដើម្បី​ផ្តល់​ឱកាស​ដល់​យុវជន​បង្ហាញ​ពី​សមត្ថភាព​របស់​ខ្លួន។ ជា​រៀងរាល់​ឆ្នាំ ​មាន​កីឡាករ​ជាង ​១០០០ នាក់​មក​ពី​ក្លឹប​បាល់ទាត់​ចំនួន​ ៥០ បាន​ចូលរួម​ការ​ប្រកួត​កម្មវិធី​ចំនួន​ ៤ ​​​​សំខាន់ៗ មានដូច​ជា KMH Cup KMH Super Cup KMH Champions League និង KMH Academy។

កម្មវិធីទំនួលខុសត្រូវសង្គមរបស់យើង​

កម្មវិធីទំនួលខុសត្រូវសង្គមរបស់យើង​

ជាមួយ​នឹង​ចក្ខុវិស័យ​ក្នុង​ការ​បង្កើត​ និងកសាង​ការ​រស់នៅ​ដ៏​ប្រសើរ​សម្រាប់​សហគមន៍​ជនបទ​ ​ផ្ទះ​មេគង្គ​ផ្តល់​ជូន​​នូវ​ផ្ទះ​ដែល​មាន​គុណភាព​ខ្ពស់ និងតម្លៃ​សមរម្យ​ ​ដែល​សាងសង់​ពី​សម្ភារ​បង្កើត​ជាស្រេច​នៅ​ក្នុង​រោងចក្រ​។

គម្រោង​នេះ ផ្តល់​នូវ​ដំណោះស្រាយ​ផ្នែក​ប្រាក់​កម្ចី​ប្រកប​ដោយ​ទំនួល​ខុសត្រូវ​ ​ហើយ​គម្រោង​នេះ​ត្រូវ​បាន​គេ​មើល​ឃើញ​ថា​ ​មាន​សារសំខាន់​ ​និង​មាន​ឥទ្ធិពល​ប្រកប​ដោយ​ភាព​វិជ្ជមាន​សម្រាប់​គ្រួសារ​រស់នៅ​ក្នុង​សហគមន៍ ក៏​ដូចជា​បរិស្ថាន។ មាន​ផ្ទះ​ជាង​ ១០០ ហើយ​ត្រូវ​បាន​សាងសង់​រួចរាល់​ក្នុង​រយៈពេល​មួយ​ឆ្នាំ​ដំបូង​នៃ​ប្រតិបត្តិការ​របស់​ខ្លួន​។