ព័ត៌មាន​​​អំពី​ការ​វិនិយោគ

ព័ត៌មាន​​​អំពី​ការ​វិនិយោគ​​

សេដ្ឋកិច្ច​​​កម្ពុជា ​​និង ​​​​ការ​លើកទឹកចិត្ត​ដល់​ការ​វិនិយោគ

មាន​ទីតាំង​នៅ​​​ចំ​កណ្តាល​នៃ​តំបន់​អាស៊ាន​ ​កម្ពុជា ​គឺ​ជា ​អនាគត​​​​នៃ​ច្រកចូល​​នៃទ្វីបអាស៊ី​​។ ​​កម្ពុជា​ ​​មាន​កំណើន​សេដ្ឋកិច្ច​​​គួរ​​​ឲ្យ​កត់សំគាល់ ​ជា​មួយ​នឹង​ផលិតផល​ក្នុង​ស្រុក​សរុប​​​​​ប្រចាំ​ឆ្នាំ​​​​​គិត​ជា​មធ្យម​​ជាង​៧​ភាគរយ​ ​ក្នុង​រយៈ​ពេល​១៥​ឆ្នាំ​​ចុងក្រោយ​នេះ​ ខណៈ​ពេល ​វិស័យ​សំណង់​​គឺ​ជា​​ផ្នែក​មួយ​​​ ​​ក្នុង​ចំណោម​​សសរស្ដម្ភ​សំខាន់​ទាំង​៤​​​​​នៃ​​សេដ្ឋកិច្ច​កម្ពុជា​។

​​កម្ពុជា ​​​​គឺ ជា​ប្រទេស​​ដែលមាន​​​​​ទីផ្សារ ​​និង សេដ្ឋកិច្ច​សេរី​​ ​និង​​​​​បើក​​ចំហ​សម្រាប់​ការ​វិនិយោគ​​​​របស់​បរទេស​​ ​ជាមួយ​នឹង​​​ក្របខណ្ឌ​​គោលនយោបាយ​​​និង ច្បាប់​​គាំទ្រ​ដល់​​អ្នក​វិនិយោគ​។ ​ការ​លើកទឹកចិត្ត​​​ការ​វិនិយោគ​​ មាន​​ជា​ហូរហែ​សម្រាប់​​អ្នក​វិនិយោគ​​បរទេស មាន​ដូច​ជា ​ ​​ជនបរទេស​​មាន​​សិទ្ធ​កាន់កាប់​ក្រុមហ៊ុន​១០០​ភាគរយ ​ ​ការ​លើកលែង​ពន្ធ​លើ​​ផល​​ចំណេញ​​ ( corporate tax holidays) ​ការ​មិន​គិត​ពន្ធ​​លើ​​ការ​នាំចូល​ទំនិញមូលធន​ ​និង ​គ្មាន​ការ​រឹតត្បិត​​លើ​ការ​បញ្ជូន​មូលធន​​​ទៅ​ប្រទេស​ខ្លួន​​វិញ​​។​​​​​​​

មើលប្រវត្តិរូបក្រុមហ៊ុនសាជីវកម្មយើងខ្ញុំ

ISI GROUP LEADERSHIP

ព័ត៌មាន​​​អំពី​ការ​វិនិយោគ​​

ស្ថាបនិក​​

លោក​ ​ជំទាវ ​​​​​ឃុន ​ហៀង ​​និង ​​លោក​ ​ឧកញ៉ា ​​​កាំង ​ម៉េងហ៊ុយ

ស្ថាបនិក​​

​​​នៅ​​ ISI GROUP ​ ​យើង​​​​​​​​​​គោរព ​និង ដឹង​​គុណ​​​​​យ៉ាង​ជ្រាលជ្រៅ​ចំពោះ​​​ស្ថាបនិក​​ទាំង​២​រូប​របស់​​យើង​​។ ​តាមរយៈ​​​​ការ​ខិតខំ​រួម​គ្នា​​ ​​លោក​ ​ឧកញ៉ា​ ​​​កាំង ​ម៉េងហ៊ុយ​​​​​​​​​​​​​និង ​​​លោក​ ​ជំទាវ ​​​​​ឃុន ​ហៀង​ ​​បាន​​​សាង​មូលដ្ឋាន​យ៉ាង​រឹងមាំ ​​​​​សម្រាប់​​យើង​ទាំងអស់​គ្នា ​និង ​ISI GROUP ​ដែល​ទទួល​បាន​ការ​រីកចម្រើន​ដូច​សព្វថ្ងៃ​នេះ​។ ​​​ស្ថាបនិក​របស់​យើង​ ​គឺ​​ ​​មាន​អត្តចរិតសុភាពរាបសារ​​ ​​​​​​ឧស្សាហ៍​ព្យាយាម ​​​​ស្មោះត្រង់​ ​និង ​ជា​មនុស្ស​ដែល​​មាន​ចក្ខុវិស័យ​វែងឆ្ងាយ​​ ​​​​​​​​ក្នុង​ទិសដៅ​​​​​​ដើម្បី​ធ្វើ​​​ឲ្យ​កម្ពុជា​​​​​មាន​ភាព​ប្រសើរ​ជាង​​មុន​។​ ​​​​​លោក​​ទាំង​២​​ ​បាន​​​លះបង់​​កម្លាំងកាយ​ចិត្ត​ ​​​​ក្នុង​ការ​បង្កើត​ ​និង ​​​​​​​​ច្នៃប្រឌិត​ផ្សេងៗ​​ ​ដើម្បី​ស្វែងរក​​ដំណោះស្រាយ​​​​​សម្រាប់​ឆ្លើយ​តប​ទៅ​នឹង​​បញ្ហា​ដែល​​មនុស្ស​ភាគច្រើន​​កំពុង​ជួប​ប្រទះ​​។ ​​​​​​​​​​​​​លោក ឧកញ៉ា ​និង ​​លោក​ជំទាវ​ ​បាន​​បង្កើត​ឡើង​នូវ​​តម្លៃ ​និង ​​បាន​​ក្លាយ​ជា​​បុគ្គល​គំរូ​ ​សម្រាប់​​ថ្នាក់ដឹកនាំ​ក្រុមហ៊ុន​ ​​​​ក្នុង​ការ​បន្ត​បង្កើត ISI GROUP​ ​ហើយ​នេះ​​គឺ​ជា​​​​​មូលហេតុ​ដែល​នាំ​​​ឲ្យ ISI GROUP​ ​​​បាន​បន្ត​រីកចម្រើន​ ​និង ​​ទទួល​បាន​ភាព​ជោគជ័យ​អស់​រយៈ​ជាង​​២០​ឆ្នាំ​​មក​​នេះ។

លោក​ ​ឧកញ៉ា​ ​​​កាំង ​ម៉េងហ៊ុយ​​​​​​​​​​​​​និង ​​​លោក​ ​ជំទាវ ​​​​​ឃុន ​ហៀង​​ ​​បាន​បង្កើតISI GROUP​ ​​​ឡើង​​ក្នុង​ឆ្នាំ​១៩៩៧​ ​ដែល​​កាល​នោះ​​ក្រុមហ៊ុន​ដំបូង​មាន​ឈ្មោះ​ថា International Steel Industrial​​ ​​ដែល​​ផ្ដោត​​ទៅ​លើ​ការ​ផលិត​​ដំបូល​​​ពណ៌។ ​​​ក្នុង​ឆ្នាំ​២០០១​ ​ស្ថាបនិក​​របស់​យើង​​​បាន​​​​​​​បង្កើត​​​​​អាជីវកម្ម​ទី២​របស់​ខ្លួន ដែល​​​មាន​​ឈ្មោះ​ថា Raksmey Phnom Penh Steel Industrial ​ដែល​ជា​​រោងចក្រ​​​​​​​​​​ផលិត​ដែក​ទីប​ដំបូង ​និង ​ឈាន​មុខ​គេ​​នៅ​ក្នុង​ប្រទេស​កម្ពុជា​​។​​ ​ក្នុង​ឆ្នាំ​២០០៦ ​​​​​ក្រុមហ៊ុន​ទាំង​២​នេះ  ​​​​​បាន​​រួមបញ្ចូល​គ្នា​ ​​​​​​​​​ក្លាយ​ជា​ក្រុមហ៊ុន​តែ​មួយ​​ដោយ​មាន​ឈ្មោះ​ជា​ផ្លូវការ​​ថា ISI STEEL​ ​​​​រហូត​ដល់​បច្ចុប្បន្ន​។ ​បច្ចុប្បន្ន​​នេះ​ ​​ក្រុមហ៊ុនISI STEEL​​ ​គឺ​ជាក្រុមហ៊ុន​​​​មួយ ​ក្នុង​ចំណោម​​ក្រុមហ៊ុន​​​​​ដ៏​ជោគជ័យ​​ ​និង  ​ទទួល​បាន​ការ​ទុកចិត្ត​បំផុត​​នៅ​ក្នុង​ប្រទេស​កម្ពុជា​។

​​​លោក​ ​ជំទាវ ​​​​​ឃុន ​ហៀង ​​​​ ​​​​​​ក៏​ជា​ស្ថាបនិក​​នៃ​​​​មូលនិធិ​​ ​ខេ ​អឹម ​អេច​ ​របស់ ISI GROUP​​​ផង​ដែរ​ដែល​​មូលនិធិ​នេះ​​ត្រូវ​បាន​បង្កើត​ឡើង​​ដើម្បី​​​​​​​ជា​ការ​ចងចាំ​ដោយ​ក្តី​គោរព​ជូន​ចំពោះ​ ​លោក​ឧកញ៉ា​ ​​​កាំង​ ​​ម៉េងហ៊ុយ​​។

ព័ត៌មាន​​​អំពី​ការ​វិនិយោគ​​

ថ្នាក់ដឹកនាំ​ជាន់ខ្ពស់​

​​​លោក​ ​​​​​​កាំង​ ​ឡេង

អគ្គនាយក​​ISI GROUP ​​និង​​ ​ជា​​អគ្គនាយកISI STEEL

​​​លោក​ ​​​​​​កាំង​ ​ឡេង

អគ្គនាយក​​ISI GROUP ​​និង​​ ​ជា​​អគ្គនាយកISI STEEL

​​​លោក​ ​កាំង ​ឡេង​ ​អគ្គនាយក​​ ISI GROUP​ ​ដែល​បាន​​​​​កើត​ ​និង ​ធំ​ដឹងក្តី​​នៅ​ក្នុង​ប្រទេស​កម្ពុជា ​បាន​ចំណាយ​ពេល​ជាង​​១​ទសវត្ស​​​ក្នុង​ការ​​ទទួល​បាន​បទពិសោធន៍ ​​និង ​ចំណេះដឹង​​​នៅ​បរទេស ​​​មាន​ដូច​ជា ​​​សិង្ហបុរី​ ​និង ​​អូស្រ្តាលី​​។ ​​​​លោក ​ឡេង​​​​បាន​សិក្សា​​​​​ថ្នាក់​បរិញ្ញាបត្រ​​ផ្នែក​​ពាណិជ្ជកម្ម​ ​(​​​​គណនេយ្យ​​ ​និង ​ទីផ្សារ​​​​) ​​ ​និង ​បាន​​​បញ្ចប់​ការ​សិក្សា​ថ្នាក់​​​អនុបណ្ឌិត​ផ្នែក​​​ពាណិជ្ជកម្ម​​ (​​​​​​​​ផ្ដោត​​លើ​​ការ​គ្រប់គ្រង​ស្ថាប័ន​​)​ ​​​នៅ​​​សាកលវិទ្យាល័យ New South Wales​​។ ​បន្ទាប់​មក​​លោក​បាន​ ​​ចូល​បម្រើ​ការងារ​ផ្នែកCapital Gain Tax Accountant  ​​នៅ​​ក្រុមហ៊ុន​States Street​​ ​​ទីក្រុង​ស៊ីដនី​​ ​​ប្រទេស​​អូស្ត្រាលី​​រយៈពេល​២​ឆ្នាំ​។​

​​​​​​​​​​​

ក្រោយមក​​​ក៏​ត្រលប់​មក​កាន់​កម្ពុជា​វិញ​​នៅ​​ឆ្នាំ​២០០៩​ ​ជាមួយ​នឹង​ជំនក់​ចិត្ត​លើ​ផ្នែក​សហគ្រិនភាព​​ ​ដែល​​​​​​បង្កើត​​​ឲ្យ​មាន​នូវ​ឥទ្ធិពល​ប្រកបដោយ​ភាព​វិជ្ជមាន ​និង ​​ជា​ការ​​ចូលរួម​ចំណែក​សំខាន់​នៅ​ក្នុង​សង្គម​នោះ​ ​​លោក​ ​ឡេង​ ​​​​​​នៅ​គ្រាដំបូង​​​​​​​បាន​ចូលរួម​​ក្នុង​​​​​​ក្រុមហ៊ុន ISI GROUP​ ​ ដោយធ្វើត្រឹមជា​​ជំនួយការ​របស់​ស្ថាបនិក​​។ ​​ ​​​​​​បន្ទាប់​មក​​លោក​បាន​ក្លាយ​ជា ​​​អគ្គនាយក​ក្រុមហ៊ុន ISI STEEL​ ​ដែល​ជា​ក្រុមហ៊ុន​ដំបូង​​​​របស់ ISI GROUP​​ ​​ក្នុង​ឆ្នាំ​២០១១បន្ទាប់​ពី​​​​​​​​​​​​ទទួល​បាន​ភាព​ជោគជ័យ​​​​ក្នុង​ការ​ធ្វើ​កំណែទម្រង់​​​ផ្នែក​សំខាន់ៗ​​​របស់​ក្រុមហ៊ុន ​​មាន​ដូច​ជា ​ផ្នែក​ប្រតិបត្តិការ​​ ​​ផ្នែក​គណនេយ្យ​​​និង​​ហិរញ្ញវត្ថុ​ ​​​​ផ្នែក​លទ្ធកម្ម​​ ​​​​និង ​​ផ្នែក​​លក់​ ​និង ​​ទីផ្សារ​​​​។ ​​​​បន្ទាប់​​មក​​លោក​​ ​បាន​ក្លាយ​ជា​អគ្គនាយក​ក្រុមហ៊ុន ISI GROUP​​​ ​នៅ​ឆ្នាំ​២០១៧ ​​ជា​ទី​ដែល​​លោក​​​​កំពុង​បំពេញ​​ការងារ​​​នា​ពេល​បច្ចុប្បន្ន​នេះ​។

លោក​ស្រី​ ​កាំង​ ​ច័ន្ទ​បុប្ផា​​

ជា​​អភិបាល​ ​​នៃ​​ក្រុមប្រឹក្សាភិបាល​ ​​​ក្រុមហ៊ុន​​ ISI STEEL​​ ​និង ​​​​​​​​​ប្រធាន​ផ្នែក​លក់​ថ្នាក់​ជាតិ​​ ​​ក្រុមហ៊ុនISI STEEL

លោក​ស្រី​ ​កាំង​ ​ច័ន្ទ​បុប្ផា​​

ជា​​អភិបាល​ ​​នៃ​​ក្រុមប្រឹក្សាភិបាល​ ​​​ក្រុមហ៊ុន​​ ISI STEEL​​ ​និង ​​​​​​​​​ប្រធាន​ផ្នែក​លក់​ថ្នាក់​ជាតិ​​ ​​ក្រុមហ៊ុនISI STEEL

លោក​ស្រី​ ​កាំង​ ​ច័ន្ទ​បុប្ផា​ ​​ ​បាន​រួមចំណែក​​​​​​យ៉ាងធំធេង​​ ​ជាមួយ​នឹង​​​​ក្រុមហ៊ុន​ ISI STEEL  ​និង ISI GROUP ​តាំង​ពី​​ដំណាក់កាល​បង្កើត​ក្រុមហ៊ុន​ដំបូង​ម៉្លេះ​​។​ ​​​ជា​​លទ្ធផល​នៃ​​​បទពិសោធន៍​ដ៏​​​​វិសេសវិសាល​​​​​​​​នៅ​ក្នុង​ក្រុមហ៊ុន ​​​​​​លោក​ស្រី​បាន​​​អភិវឌ្ឍ ​និង ​មាន​​​​ចំណេះដឹង​​ឯកទេស​​​​​​​​លើ​វិស័យ​​​​​​​​​​សំណង់​ ​និង  ​ឧស្សាហកម្ម​ដែក​​។ ​​ ​បច្ចុប្បន្ន​នេះ​​ ​​លោក​ស្រី​ ​កាំង​ ​ច័ន្ទ​បុប្ផា​​ ​​​​​​កំពុង​គ្រប់គ្រង​​​នាយកដ្ឋាន​​ផ្នែក​​​​លក់​ថ្នាក់​ជាតិ​​របស់ក្រុមហ៊ុន ISI STEEL ។

​ លោក​ ​កាំង​ ​ហុក

ជា​អភិបាល​​ ​​នៃ​​​​ក្រុមប្រឹក្សាភិបាល​​ ISI GROUP ស្ថាបនិក​ ​និង ​​ជា​អគ្គនាយក​​ក្រុមហ៊ុនURBANLAND INVESTMENT CO., LTD

​ លោក​ ​កាំង​ ​ហុក

ជា​អភិបាល​​ ​​នៃ​​​​ក្រុមប្រឹក្សាភិបាល​​ ISI GROUP ស្ថាបនិក​ ​និង ​​ជា​អគ្គនាយក​​ក្រុមហ៊ុនURBANLAND INVESTMENT CO., LTD

កើត​​​នៅ​ក្នុង​​​​​​ទីក្រុង​ភ្នំពេញ​ ​លោក​ ​កាំង​​​ ​ហុក​​ ​បាន​បញ្ចប់​ការ​សិក្សា​ផ្នែក​ស្ថាបត្យកម្ម ​និង ​សហគ្រិនភាព​​​នៅ​​សាកលវិទ្យាល័យ St. Louis​​ ​​​​​​​​​​​ក្រុង​វ៉ាស៊ីងតោន​​​ ​​​​ក្នុង​​ឆ្នាំ​២០០៥។​ ​​​ចាប់​តាំង​ពី​បញ្ចប់​ការ​សិក្សា​មក​ ​​លោក​បាន​ចូលរួម​​​​​​ជាមួយ​នឹង​​​​​​​ក្រុមហ៊ុន​ផ្នែក​រចនា​ ​ឈ្មោះKengo Kuma and Associates ​​ ​ក្នុង​ទីក្រុង​តូក្យូ​​ប្រទេស​ជប៉ុន​ ​ក្នុង​ឆ្នាំ​២០១០​។ ​​​​​បន្ទាប់ពី​ត្រលប់​​មក​កាន់​ប្រទេស​កម្ពុជា​វិញ​ ​​​​​​​​​​​​​​​​​​​​​​​​​​​​​​​​លោក​ក៏​ចាប់ផ្តើមបង្កើត​​​​ក្រុមហ៊ុន​របស់​ខ្លួន​​ ​មាន​ឈ្មោះ​ថា Hok Kang Architects ​ដោយ​ទទួល​បាន​​​ជោគជ័យគួរឲ្យកត់សម្គាល់ ​​​​និង​​បាន​​ឈ្នះ​​ពានរង្វាន់​​​​មួយ​ចំនួន​​​​​​​​​​​​លើ​ផ្នែក​អភិវឌ្ឍន៍​​​លំនៅឋាន ​និង ​​អគារ​ពាណិជ្ជកម្ម​ ​មាន​ដូច​ជា​​​ ​អគារ​ខុនដូ​​Embassy Residences ​​​​​ ​អគារ​ខុនដូ​Embassy Central ​​និង ​​អគារ​​ពាណិជ្ជកម្ម​​​​​​Raintree។ ​ក្នុង​ឆ្នាំ​ ​​២០១៣ ​​​​​​​​​លោក ​ហុក ​បាន​បង្កើត​Urbanland ​ ​​​ជា​​ក្រុមហ៊ុន​អភិវឌ្ឍ​​អចលនទ្រព្យ​​គួរ​​​​​ឲ្យ​ទុកចិត្ត​បំផុត​ ​និង ​​​ឈានមុខ​គេ​នៅ​ក្នុង​ប្រទេស​កម្ពុជា  ​ដែល​ឲ្យ​មាន​​​​ការ​ផ្លាស់ប្ដូរ​​ប្រកបដោយភាពវិជ្ជមាន ​​។

លោក ​គឺ​​ជា​​សហ​ស្ថាបនិក​​ BROWN ​ដែល​ជា​ក្រុមហ៊ុន​ឈាន​​​​​​​​មុខ​គេ​​ ​លើ​វិស័យ​​កាហ្វេ​​ក្នុង​ប្រទេស​កម្ពុជា​​ហើយ​បច្ចុប្បន្ន​នេះ​​លោក​​​ក៏​ស្ថិត​នៅ​​ក្នុង​​ក្រុមប្រឹក្សាភិបាល​​របស់ ISI GROUP​​ ​ដែល​​​​​​មាន​តួនាទី​សំខាន់​​ក្នុង​ការ​​​​​​តម្រង់​ទិសដៅ​​ ​និង ​​​​ផ្តល់​​យុទ្ធសាស្ត្រ​ស៊ីជម្រៅ​សម្រាប់​ក្រុមហ៊ុន​។ ​ក្រុមហ៊ុន​​ Urbanland​ ​​គឺ​ស្ថិត​ក្នុង​ផ្នែក​អភិវឌ្ឍ​អចលនទ្រព្យ​​របស់ ISI GROUP​។

​​​​លោក ​កាំង​ ​សេន

​ជា​​​អភិបាល​​​នៃ​​ ​ក្រុមប្រឹក្សាភិបាល​​ ISI GROUP ​និង​​ជា​​​អគ្គនាយក​​​​​​​ក្រុមហ៊ុន​​ FUXIN

​​​​លោក ​កាំង​ ​សេន

​ជា​​​អភិបាល​​​នៃ​​ ​ក្រុមប្រឹក្សាភិបាល​​ ISI GROUP ​និង​​ជា​​​អគ្គនាយក​​​​​​​ក្រុមហ៊ុន​​ FUXIN

​បញ្ចប់​ការ​សិក្សា​​​​ថ្នាក់​បរិញ្ញាបត្រ​​ផ្នែក​​​​​​សំណង់​ស៊ីវិល ​និង ​​​​ថ្នាក់​អនុបណ្ឌិត​ផ្នែក​​​គ្រប់គ្រង​គម្រោង​សំណង់​​​ពី​ប្រទេស​អូស្ត្រាលី​  ​​លោក ​​កាំង​ ​សេន​​បាន​ត្រលប់​​មក​កាន់​ប្រទេស​កម្ពុជា​វិញ​​​នៅ​​ក្នុង​​ឆ្នាំ​​២០១១​ ​ជាមួយ​នឹង​​ជំនក់​ចិត្ត​​​​​​​​​ក្នុង​ការ​ជួយ​ផ្លាស់ប្ដូរ​​​​ឧស្សាហកម្ម​សំណង់​​​ក្នុង​ប្រទេស​កម្ពុជា​។ ​​​​​​លោក ​បាន​​​​​​​​​​​​បង្កើត​ក្រុមហ៊ុន Fuxin Steel Buildings​​​ ​​ក្នុង​​ឆ្នាំ​​​២០១២​​ ​​​ដែល​ជា​​​ក្រុមហ៊ុន​​សំណង់​អគារ​ដែក​ដំបូង​​​នៅ​ក្នុង​ប្រទេស​កម្ពុជា។ ​នៅ​ក្នុង​ឆ្នាំ​​​​២០១៧ ​​​លោក ​បាន​​​​​បង្កើត​ ​និង ​ជា​សហ​ស្ថាបនិក​​​​​​ផ្ទះ​មេគង្គ​​​​​ ​​ដែល​ជា​​គម្រោង​​​ផ្ទះ​​​មាន​តម្លៃ​សមរម្យ ​​ជួយ​​​​លើក​កម្ពស់​ការ​រស់នៅ​​របស់​ប្រជា​ពលរដ្ឋ​​កម្ពុជា​នៅ​តាម​​ទី​ជនបទ​​។ ​​​​​ក្នុង​នាម​ជា​​ ​អគ្គនាយក​របស់​ក្រុម​ហ៊ុន Fuxin ​​លោក​​​ផ្ដោត​សំខាន់​ទៅ​លើ​​ការ​លើក​កម្ពស់​​លើ​វិស័យ​​​សំណង់​​​​​Modular Precast ​​​​ហើយ​​លោក​​​​​ប្ដេជ្ញាចិត្ត​​​ក្នុង​ការ​​​​​​​​​​​​​​​​​​​​​​​​​​​ផ្សព្វផ្សាយ​​​​​​​​​​​​​​ឧស្សាហកម្ម​ដែក​​ ​​​​​​​ក្នុង​វិស័យ​សំណង់​​។  ​ក្រុមហ៊ុន Fuxin ​បាន​រៀបចំ​​វេទិកា​​​​ឧស្សាហកម្ម​ដែក​​អន្តរជាតិ​ជា​លើក​ដំបូង​​ក្នុង​ប្រទេស​កម្ពុជា ​កាល​ពី​ខែ​មីនា​ ​ឆ្នាំ​២០១៨ ​​ ​ដែល​​​​​មាន​ការ​ចូលរួម​​​ទាំងភ្ញៀវ​ជាតិ​ ​និង ​អន្តរជាតិ​សំខាន់ៗ​ជាង​​៣០០​នាក់​។ ​លោក ​កាំង​ ​សេន ​​​​បច្ចុប្បន្ន​​ក៏ស្ថិតនៅក្នុងក្រុមប្រឹក្សាភិបាល​​​​​​​របស់ ISI GROUP​ផង​ដែរ​​​​​ ​​ដោយ​មាន​ភារកិច្ច​សំខាន់​ក្នុង​ការ​​ផ្តល់​​ទិសដៅ​យុទ្ធសាស្ត្រ​​សម្រាប់​ក្រុមហ៊ុន​។

លោក ​កាំង​ ​សំណាង​​​

ជា​​អភិបាល​​នៃ​ ​ក្រុមប្រឹក្សាភិបាល​​ ISI GROUP​ ​និង​​​ជា​​ជំនួយ​​ការ​អគ្គនាយក​​ ISI STEEL

លោក ​កាំង​ ​សំណាង​​​

ជា​​អភិបាល​​នៃ​ ​ក្រុមប្រឹក្សាភិបាល​​ ISI GROUP​ ​និង​​​ជា​​ជំនួយ​​ការ​អគ្គនាយក​​ ISI STEEL

ទទួល​បាន​ការ​អប់រំ​នៅ​ប្រទេស​សិង្ហបុរី​  ​​ដោយ​​បញ្ចប់​ថ្នាក់​​បរិញ្ញាបត្រ​​​​ផ្នែក​​សេដ្ឋកិច្ច​ ​និង ​ប្រព័ន្ធព័ត៌មាន​​ ​​ ​​​លោក​​ ​កាំង​​ ​សំណាង​ ​​បាន​បម្រើការ​​​នៅ​​ក្រុមហ៊ុន ISI STEEL​​ ​​រយៈពេល​ជាង​​៦​ឆ្នាំ​។ ​​​ក្នុង​នោះ​ ​លោក​បាន​ទទួល​បទពិសោធន៍​​​​ជាច្រើន​នៅ​តាម​នាយកដ្ឋាន​ផ្សេងៗ​ ​មាន​ដូច​ជា ​ផ្នែក​​​ឃ្លាំង ​និង ​ផលិតកម្ម​ ​​​​​​​​​​ ​​ផ្នែក​​ព័ត៌មាន​វិទ្យា​ ​និង ​​​ផ្នែក​ទីផ្សារ​​។ ​នៅ​ក្នុង​ឆ្នាំ​២០១២​ ​​​លោក​បាន​​​​​ដឹកនាំ​​​​​​​​​លើ​ការ​អនុវត្ត​ប្រព័ន្ធERP  ​​​ដែល​​​​ត្រូវ​បាន​​​ប្រើប្រាស់​រហូត​ដល់​សព្វថ្ងៃ​នេះ​។ ​​​ក្នុង​ឆ្នាំ​២០១៨ ​​​​​​សំណាង​​​​បានដើរតួយ៉ាងសំខាន់​​​នាំឲ្យ​​​​​​​​​ ​​​soundskool ​​ជា​​​​​ក្រុមហ៊ុន​លក់​ឧបករណ៍​តន្ត្រី​ ​និង ​ជា​​​​កន្លែង ​​បណ្តុះបណ្តាល​ផ្នែក​តន្ត្រី​​ឈាន​មុខ​គេ​នៅ​ក្នុង​ប្រទេស​​កម្ពុជា ​​ក្លាយ​ជា​សមាជិក​​របស់​​ក្រុមហ៊ុន​ ISI GROUP​ ​​​ដែល​​​​នាំ​​ឲ្យ​មាន​ការ​បង្កើត​​ផ្នែក​វិនិយោគ​​នៅ​ISI GROUP​​។ ​​កាល​ពី​​​​មុន​​ ​​សំណាង​​​​កាន់​តួនាទី​​លើ​ផ្នែក​​​នាយក​​​​​​ទីផ្សារ​​ ​​​​​​​​​ហើយ​​​ថ្មីៗនេះ​​ត្រូវ​បាន​តែងតាំង​ជា​​ជំនួយ​ការ​​របស់​អគ្គនាយក​​។​​​​​​​​​​​​​​​​​

លោក ​ ​ណារ៉ាត ​ ​វាសនា

​​ជា​​ ​​CHIEF OFFICER - PEOPLE & OPERATIONS ​​របស់ISI GROUP

លោក ​ ​ណារ៉ាត ​ ​វាសនា

​​ជា​​ ​​CHIEF OFFICER - PEOPLE & OPERATIONS ​​របស់ISI GROUP

លោក​​ ​​​វាសនា​ ​​បច្ចុប្បន្ន​​​​​​មាន​តួនាទី​​ជា Chief Officer-People & Operations ​នៅISI GROUP​។ ​​​​ ​​​លោក​​​មាន​​​បទពិសោធន៍​​​យ៉ាង​ច្រើន​ដូច​ជា​ ​​ការ​គ្រប់គ្រង​ ​និង ​​​​ប្រតិបត្តិការ​​ទូទៅ​ ​ការ​ប្រឹក្សា​លើ​​អាជីវកម្ម​ ​​​​​និង ​​ការ​​​អភិវឌ្ឍ​​យុទ្ធសាស្ត្រ​​ ​​​​​ ​​​ផ្នែក​អប់រំ​ ​និង ​ធនធាន​​មនុស្ស​​។ ​មុន​ពេល​​បម្រើ​ការងារ​នៅISI GROUP​ ​​លោក​​គឺ​ជាChief Officer ​និង ​​ជា​​​​សមាជិក​​ក្រុមប្រឹក្សា​ប្រតិបត្តិ​​​របស់​​ក្រុមហ៊ុន​​ធានា​​រ៉ាប់រង​​​​អាយុជីវិត​​​មួយ ​(​​របស់​ចក្រភពអង់គ្លេស​​) ​​ដោយ​​ដើរ​តួនាទី​​សំខាន់​​ ​ក្នុង​ការ​​ជួយ​​​​ឲ្យ​​​ក្រុមហ៊ុន​​នេះ​​​​​ដំណើរការ​នៅ​ក្នុង​ប្រទេស​កម្ពុជា​​។ ​​​​​លោក​ក៏​ធ្លាប់​​មាន​​បទពិសោធន៍​​ការងារ​ជាច្រើន​​ទៀត​​ដូចជា​ Chief Operating Officer ​និង Head of HR and Executive Manager ​​​ដោយ​​​ភាគច្រើន​បម្រើ​ការងារ​នៅ​​ក្រុមហ៊ុន​ ​សាជីវកម្ម​ពហុ​ជាតិសាសន៍​​​។ ​​លោក​ ​​​វាសនា ​ក៏​បាន​​បម្រើ​​ការងារ​​ជា Co-GM ​នៃ​​​មជ្ឈមណ្ឌល​បណ្តុះបណ្តាល​អាជីវកម្ម​ ( business incubation centre)​​ ​​សមាជិក​​ក្រុមប្រឹក្សាភិបាល​​នៃ​​​​ស្ថាប័ន​​​មីក្រូហិរញ្ញវត្ថុ​ ​​​​​​ក្រុមហ៊ុន Cambodian Technology ​​ក្នុង​ប្រទេស​​ឡាវ​​ ​​​និង ​​ជា​​អ្នក​វិនិយោគ​​​​​​​​នៅ​ក្នុង​អាជីវកម្ម​ផ្សេងៗ ​។ ​​លោក​​ ​​​​​​​​ទទួល​បាន​ការ​អប់រំ​​ក្នុង​ប្រទេស​កម្ពុជា ​​ក៏​ដូច​ជា​បញ្ចប់​ការ​សិក្សា​​ផ្នែក​​HR and Risk ពី​​​ប្រទេស​ជប៉ុន​​ ​​​និង ​​ចក្រភពអង់គ្លេស​​​​ ​​​ហើយ​ក៏​​ធ្លាប់​បម្រើ​ការងារ​នៅ​​ប្រទេស​​ឡាវ ​និង ​សិង្ហបុរី​​ផង​ដែរ​។

លោក​ ​​David Sok Dara Marshall​​

នាយក​​ផ្នែក​​ហិរញ្ញវត្ថុ ​របស់​ ​ISI GROUP​​​​​

លោក​ ​​David Sok Dara Marshall​​

នាយក​​ផ្នែក​​ហិរញ្ញវត្ថុ ​របស់​ ​ISI GROUP​​​​​

​​​​លោក​ David ​​បាន​​​​បម្រើ​ការងារ​​​ក្នុង​ផ្នែក​ហិរញ្ញវត្ថុ​​​អស់​រយៈពេល​ជាង​​២០​ឆ្នាំ​​មក​ហើយ​ ​​​ដោយ​​​មាន​​តួនាទី​សំខាន់ៗ​ដូចជា​ ​ Head of Corporate & Institutional Banking ​​ផ្នែក​​​Head of Transaction Banking ​​​ផ្នែក​​Chief Risk Officer ​​​ផ្នែក​​Head of Financial Institutions និង Head of SME and Mortgages ​នៅ​​ធនាគារ​​​​ANZ Royal Bank ​​ធនាគារ​​​​​ស្ថាបនា​​ ​និង ​ TD Canada Trust ​​និង ​​ធនាគារ​​កាណាឌីយ៉ា​​​។ ​ ​​លើស​ពី​​នេះ​ទៀត​ ​​លោក​ក៏​ធ្លាប់​បម្រើ​ការងារ​ជា​​ដៃគូ​​​នៃ​​​​​​​​Mekong Strategic Partners ​ដែល​ជា​​ក្រុមហ៊ុន​​​​​​​​​​​​ប្រឹក្សា​ផ្នែក​​​​ហិរញ្ញវត្ថុ​​ ​​រយៈពេល​​​មួយ​​​ឆ្នាំ​​កន្លះ​​។ ​​លោក​​​​បញ្ចប់​ការ​សិក្សា​​​ថ្នាក់​បរិញ្ញាបត្រ​​​​ផ្នែក​សង្គម​វិជ្ជា​ ​ក៏ដូចជា​​​​បញ្ចប់​​​ការ​សិក្សា​​​​​​ពី​​វិទ្យាស្ថានCanadian Securities Institute ​​​​​​​​​ផ្នែក​​វិនិយោគ​​ ​និង ​​​មូលធនប័ត្រ​​។ David ​​មាន​បទពិសោធន៍​សំខាន់​​លើ​​ ​​​​ការ​រៀបចំ​​​​ប្រតិបត្តិការ​​​ហិរញ្ញវត្ថុ​​ ​​​​និង ​មូលធន​​។

អ្នកស្រី ​​Sarah Cowley​​

​ប្រធាន​ផ្នែក​​​​​​​ទំនាក់ទំនង​​របស់​​​ISI GROUP​

អ្នកស្រី ​​Sarah Cowley​​

​ប្រធាន​ផ្នែក​​​​​​​ទំនាក់ទំនង​​របស់​​​ISI GROUP​

Sarah ​​មាន​​បទពិសោធន៍​​​១០​ឆ្នាំ​​ ​លើ​​​​​​ផ្នែក​​​​​​ទំនាក់ទំនង​នៅ​ឆាក​អន្តរជាតិ​​ ​​​​​​ការ​គ្រប់គ្រង​គម្រោង​ ​និង ​​​​ធនធាន​​មនុស្ស​​​។ ​​ដោយ​មាន​បទពិសោធន៍​​​​​​​​​ក្នុង​អាជីព​ការងារ​​​លើ​​ឆាក​អន្តរជាតិ​  Sarah​បាន​ដឹកនាំ​ក្រុមការងារ​ជាច្រើន​​នៅ​ប្រទេស​អូស្ត្រាលី​ ​​​ទ្វីប​​អាស៊ី ​​​​​និង​ ​​នៅ​អាមេរិក​ខាង​ជើង​ ​និង អាមេរិកកណ្តាល​​​ ​​ដើម្បី​បង្កើត​​នូវ​ការ​ផ្លាស់ប្ដូរ​​ប្រកបដោយ​និរន្តរភាព​ ​​​​​តាម​រយៈ​គម្រោង ​និង ​​អាជីវកម្ម​ ​​​​​របស់      ​​​​​​​វិស័យ​ឯកជន​ ​​​អង្គការ​អន្តរជាតិ ​និង ​ក្រុមហ៊ុន start-ups​។ អ្នកស្រី ​​Sarah Cowley ​​​ធ្លាប់​ត្រូវ​បាន​ជ្រើសរើស​ជា​​ ​វាគ្មិន​​​​នៅ​​អង្គការ​សហប្រជាជាតិ​​ ​​ក្នុង​ទីក្រុង​​​​ញីវយ៉ក​​ ​​​(២០១៧)​​ ​​​​​​ហើយ​ក៏​​ធ្លាប់​ទទួល​បាន​​ពានរង្វាន់ ស្រ្តីវ័យក្មេងប្រចាំឆ្នាំ​​​​​(ឆ្នាំ​២០១៨)​​​ ​​និង ​​ជា Rotary Global Grant Scholar​​ផង​ដែរ​​។ Sarah​ ​​ក៏​ជា​សមាជិក​ក្រុមប្រឹក្សាភិបាល​​​របស់ Sherry-Hogan Foundation ​​​ ​ជា​មូលនិធិ​​របស់​អូស្ត្រាលី ​ដែល​​ជួយ​គាំទ្រ​​ ​និង ​​ពង្រឹង​ដល់​​​អង្គការ​​​​​ផ្សេងៗ​​ប្រចាំ​​តំបន់​​។ ​​Sarah Cowley ​​បាន​បញ្ចប់​ការ​សិក្សា​ថ្នាក់​បរិញ្ញាបត្រ​​​​​​​ផ្នែក​វិទ្យាសាស្ត្រ​​សង្គម​​ពី​​សាកលវិទ្យាល័យQueensland ​និង ​​​​ថ្នាក់​អនុបណ្ឌិត​​​​​​​ផ្នែក​ច្បាប់អន្តរជាតិ​ ​និង ​​​​សិទ្ធិមនុស្ស​​​​​ពី​​សាកលវិទ្យាល័យ United Nations University for Peace​​។

ព័ត៌មាន​​​អំពី​ការ​វិនិយោគ​​

​​​ទីប្រឹក្សា​​ឯករាជ្យ​​

លោក Michael Goh

​​ទីប្រឹក្សា​​​

លោក Michael Goh

​​ទីប្រឹក្សា​​​

លោក Michael Goh ​​មាន​បទពិសោធន៍​​​៣០​ឆ្នាំ​​​​ ​​​​ជាមួយ​នឹង​​​​​ស្ថាប័ន​​ហិរញ្ញវត្ថុ​ជាច្រើន​ ​ដោយ​​​​ទទួល​បន្ទុក​​នៅ​​​តំបន់​​​អាស៊ី​ប៉ាស៊ីហ្វិក​​។ ​លោក​មាន​ជំនាញ​​​ទៅ​លើ​ ​​ផ្នែក​​អភិបាលកិច្ច​​សាជីវកម្ម​ ​​​​​​ប្រតិបត្តិការ​​យុទ្ធសាស្ត្រ​​ ​និង ​​ការ​គ្រប់គ្រង​​​​​​​ហានិភ័យ​​ ​និង ​ហិរញ្ញវត្ថុ​សាជីវកម្ម​ ​ធនាគារ​វិនិយោគ​​។ ​បច្ចុប្បន្ន​​នេះ​ ​លោកGoh ​គឺ​ជា​​ស្ថាបនិក​​និង ​ជា​ប្រធាន​​ក្រុមហ៊ុន3E-Fii Group ​ដែល​មាន​ជំនាញ​​​លើ​​​ដំណោះស្រាយ​​ហិរញ្ញវត្ថុ​សាជីវកម្ម​ ​​​​នៅ​ក្នុង​ទីផ្សារ​​​អាស៊ី​​។ ​​ក្រុមហ៊ុន​នេះ​​​​ផ្តល់​​ (១)​ ​​​​​​ដំណោះស្រាយ​ហិរញ្ញវត្ថុ​៖ ​​​​​​ប្រឹក្សា​យោបល់​លើ​​ពន្ធ ​​សវកម្ម​​ ​​​​​​​និង ​​គណនេយ្យ​​ ​(២) ​​​ប្រឹក្សា​យោបល់​​​ផ្នែក​ហិរញ្ញវត្ថុ​ ​​​​និង​ ​អាជីវកម្ម​៖ ​​​​​ការ​វាយតម្លៃ​​លើ​ការ​អង្កេត​​​ ​​សម្រាប់​ការ​រួមបញ្ចូល​គ្នា និង​ការ​ទិញ​យក (M&A) ​​តាមរយៈ​ការ​ស្រាវជ្រាវ​។ ​លើស​ពី​​នេះ​ទៀត​ ​​​​តាមរយៈ​ការ​​​ធ្វើការ​រួម​គ្នា​ជា​មួយ​នឹង​ក្រុមការងារ​របស់​ខ្លួន ​ពួកគេ​​​ផ្តល់​​នូវ​​វគ្គ​បណ្តុះបណ្តាល​​​ផ្នែក​ហិរញ្ញវត្ថុ​ ​​​​ ​ការ​​ស្វែងរក​បុគ្គលិក​​​សម្រាប់​​អតិថិជន​​​​​របស់​ខ្លួន ​​​និង ​សេវាកម្ម​​គ្រប់គ្រង​ទ្រព្យសម្បត្តិ​​​​ឆ្លងកាត់​ព្រំដែន​​ ( Cross Border Wealth Management Services)​ ​តាមរយៈ​ដៃគូ​យុទ្ធសាស្ត្រ​​នៅ​​បរទេស​។

​​លោក​ Goh ​​ក៏​​ផ្តល់​​សេវាកម្មទាក់ទងនឹង​​​ក្រុមប្រឹក្សាភិបាល​​​​​ ​ដល់​​​សមាគមន៍​​គ្រប់គ្រង​ហានិភ័យ MDFIs ​​​​ក្នុង​​ទីផ្សារ​ដែល​កំពុង​​​​​​​​រីកចម្រើន​ ​​​​​​​​​ស្ថាប័ន​​ហិរញ្ញវត្ថុ​ ​​​និង ​សម្ព័ន្ធ​ក្រុមហ៊ុន​ធំៗ​។ ​​លោក ​​​​​បាន​​ដើរតួ​នាទី​​​ក្នុង​ជួរ​ដឹកនាំ​​​​​​​ជាច្រើន​​​​ក្នុង​ ​​ស្ថាប័ន​​ហិរញ្ញវត្ថុ​​ ​​រួម​មាន​​​ ​​​​​​​​ក្រុមហ៊ុនAIG Group ​និង ​ធនាគារ Standard Chartered Bank ​​​​​​​​ ​ធនាគារ​​Crédit Agricole CIB ​ធនាគារABN Bank ​​និង ​​ធនាគារ BEA Hong Kong Bank​​។ ​លោក​​ Goh​ ​​បានដឹកនាំ​​ឲ្យ​មាន​ការ​​ផ្ដួចផ្ដើម​​​លើការ​បណ្តុះបណ្តាល​​ ​និង ការ​ប្រឹក្សា​​​​​​​​​​​​​​​​​ ​ជាមួយ​នឹង​​​ភ្នាក់ងារ​ធំៗ​នៅ​លើ​ពិភពលោក​​ ​​​​​​​នៅ​​តំបន់​អាស៊ី ​និង ​អឺរ៉ុប​​។ ​​​​​​​​​​​​​​​​​​​​​​​​​​​​​​​​

លោក Wei Hung Long ​​

ទីប្រឹក្សា​

លោក Wei Hung Long ​​

ទីប្រឹក្សា​

តំណាង​​​ឲ្យChina Productivity Center (CPC)​ ​លោក Wei​ ​​​បាន​​​បម្រើ​ការងារ​លើ​​ផ្នែក​​​ការ​គ្រប់គ្រង​​​គុណភាព​សរុប(TQM)​ ​​ជា​មួយ​នឹង​​ការ​អនុវត្ត​​​​គោលការណ៍​5S​ ​ ​​ដែលជា​​​​​​វិធីសាស្ត្រ​​គ្រប់គ្រង​​សម្រាប់​​ភាព​ជោគជ័យ​​​យូរអង្វែង​​។ ​​​5S​ គឺ​ជា​​​​​ការ​​ផ្ដោត​​សំខាន់​​លើ​​​សណ្ដាប់ធ្នាប់​ ​​​​​​​​​​​​​ ​អនាម័យ​ ​​​​​​​​​​​​និង ​​មាន​ស្តង់ដារ​។ ​​​​លទ្ធផល​​នៃ​​​កម្មវិធី​នេះ ​គឺ​​ ​​​បង្កើន​​​​ប្រយោជន៍​ ​​​​ប្រសិទ្ធភាព​ ​សេវាកម្ម​ ​និង ​​សុវត្ថិភាព ​។​ ​ក្រុមហ៊ុន​ISI STEEL ​​​កំពុង​ប្រតិបត្តិការ​​យ៉ាង​ជោគជ័យ​​ ​​​​​​​​​តាមរយៈ​ការ​អនុវត្ត​​​5S​ ​ ​ដោយ​​ទទួល​បាន​លទ្ធផល​​​ល្អ​​​​ជា​ទី​គាប់ចិត្ត​។

ឯកឧត្តមបណ្ឌិត សុខ ស៊ីផាណា

​​ទីប្រឹក្សា

ឯកឧត្តមបណ្ឌិត សុខ ស៊ីផាណា

​​ទីប្រឹក្សា

​ជា​ដៃគូ​គ្រប់គ្រង​​​ ​​​​ក្រុមហ៊ុន Sok Siphanna & Associates​ និង ​ជា​ទីប្រឹក្សា​​​​​របស់​ក្រុមប្រឹក្សាអភិវឌ្ឍន៍កម្ពុជា​ ​​លោក ​បណ្ឌិត​​​​​​​ ​សុខ ស៊ីផាណា ​ ​​​​មាន​បទពិសោធន៍​​​ពិសេស​​​​ជាច្រើន​ ​ទាក់ទង​នឹង​​​​​​​ ​ការ​អភិវឌ្ឍ​​​​ ​នៃ​ប្រព័ន្ធ​ច្បាប់​​​របស់​កម្ពុជា​ ​បរិយាកាស​អាជីវកម្ម​ ​​​​​​និង ​​​​​​​​ដំណើរ​វិវឌ្ឍន៍​​​​នៃ​​​ច្បាប់​វិនិយោគ ​និង ​​​​​​​ពាណិជ្ជកម្ម​នៅ​ក្នុង​​ប្រទេស​​កម្ពុជា​។ ​​​​​​លោក ​​ធ្លាប់​មាន​បទពិសោធន៍​ជា​​​​​អតីត​អនុរដ្ឋលេខាធិការ​​ក្រសួង​ពាណិជ្ជកម្ម ​​របស់​​​​រាជរដ្ឋាភិបាល​​កម្ពុជា​ ​​ជា​ទី​ដែល​រូប​​លោក​​​​​​បំពេញ​មុខងារ​សំខាន់​ទាក់ទង​នឹង​​ក្របខណ្ឌ​​ច្បាប់​ពាណិជ្ជកម្ម​ ​និង ការ​វិនិយោគ​​ ​​​​​​ការ​លើក​​កម្ពស់​​​​​​​ពាណិជ្ជកម្ម ​​​គោលនយោបាយ​​ពាណិជ្ជកម្ម​ ​​​​​ ​ការ​អភិវឌ្ឍ​​ពាណិជ្ជកម្ម​ ​​​​​​​និង ​​​​សមាហរណកម្ម​​ពាណិជ្ជកម្ម​ ​​ដែល​បទពិសោធន៍​ទាំង​នេះ​បាន​នាំ​​ឲ្យ​លោក​មាន​​ទស្សន​​យ៉ាង​​ពិសេស​​​ ​​​ទាំង​តម្រូវការ​​​ផ្នែក​​ម៉ាក្រូ ​​និង​ ​មីក្រូ​​​អាជីវកម្ម​ ​និង ​​​​​​អ្នក​វិនិយោគ​​​​បរទេស​។ នៅ​​ក្នុង​​ផ្នែក​​បង្កើត ​និង ​បញ្ជ្រាប​​គោលនយោបាយ ​​លោក​​​មាន​ទំនួលខុសត្រូវ​សំខាន់​​ក្នុង​ការ​​​​​ដឹកនាំ​ ​​អន្តរ​ភ្នាក់ងារ​​​​​​ពហុ​វិស័យ​​ ​ដើម្បី​រៀបចំ​​ផែនការ​​​សកម្មភាព​​​ ​​​(​មាន​ដូចជា​​​ ​របៀបវារៈ​​​​​នៃ​​ការ​ធ្វើ​និយតកម្ម​ ​និង ​​ច្បាប់​ជាតិ​​​​)​​​ ​ ​​​​និង ​​​​​ចរចា​​យ៉ាង​ជោគជ័យ​​សម្រាប់​កម្ពុជា ​ក្នុង​ការ​ចូល​ជា​សមាជិក​របស់​​អង្គការ​ពាណិជ្ជកម្ម​ពិភពលោក​​ ( WTO)​។ ​លោក​ ​​​​​បាន​​ដើរតួ​សំខាន់​​ ​ក្នុង​ការ​​​ផ្ដួចផ្ដើម​​បង្កើត​​អភិក្រម​គ្របដណ្ដប់​​​លើ​​​វិស័យ​ពាណិជ្ជកម្ម​​ (SWAp) ​​​​សម្រាប់​កម្ពុជា​​។ ​លោក​​​​​​​មិន​ត្រឹម​តែ​ទទួល​ខុសត្រូវ​​​​​​លើ​ការ​រៀបចំ​ ​​​ច្បាប់​ពាណិជ្ជកម្ម​ផ្សេងៗ​ ​​​​​​​ឲ្យ​ចូល​ជា​ធរមាន​​ ​ក្នុង​​​ប្រទេស​កម្ពុជា​នោះ​ទេ​ ​​ ​ប៉ុន្តែ​​ក៏​​​​សម្រាប់​ការ​ការពារ​​នៅ​ចំពោះ​មុខ​ ​​គណៈរដ្ឋមន្ត្រី​​ ​និង ​សភា ​និង ​​ព្រឹទ្ធសភា​ជាតិ​​​​ផង​ដែរ​។ ​លោក ​បណ្ឌិត​ ​សុខ ​ស៊ីផាណា​​​ ​​​ក៏​​កំពុង​ផ្តល់​ប្រឹក្សា​​​ដល់ISI GROUP ​​​លើ​​​​យុទ្ធសាស្ត្រ​អាជីវកម្ម​ ​​​​ ​ជា​ពិសេស​នោះ​​គឺ ​​​ផ្ដោត​សំខាន់​លើ​ក្របខណ្ឌ​ច្បាប់​​។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

លោក​ Mr Yoshida Eisaku ​​​​​​​​

ទីប្រឹក្សា

លោក​ Mr Yoshida Eisaku ​​​​​​​​

ទីប្រឹក្សា

​​​​ជា​មួយ​នឹង​បទពិសោធន៍​ជាង​ ​៤៧​​ឆ្នាំ​ ​​​​លោក​ Yoshida Eisaku ​គឺ​ជា​​អ្នក​​​ត្រួសត្រាយ​ផ្លូវ​ ​​​​ក្នុង​​​អាជីវកម្ម​​​​​​​​​ដែក​​ ​​​និង​​ជា​​​​អ្នក​ប្រឹក្សា​​​​​របស់​​​លោក​​ ​កាំង​ ​ឡេង​​​។ ​​​បទពិសោធន៍​​របស់​​លោក Eisaku​ ​​​​ ​​រួម​មាន​​​​ ​នៅ​ក្រុមហ៊ុន Yodogawa Steel ​​​ក្នុង​ទីក្រុង Osaka​​ ​ប្រទេស​ជប៉ុន​​ ​និង ​​​​​មាន​បទពិសោធន៍​​១៥​ឆ្នាំ​​នៅ​​​ក្រុមហ៊ុន​SYSCO ​​​​​​​នៅ​កោះ​តៃវ៉ាន់​។ ​ក្រុមហ៊ុន​SYSCO ​គឺ​ជា​​​​​​រោងចក្រ​​ផលិតផល​ដែក​ដំបូង​​​​​​​នៅ​កោះ​តៃវ៉ាន់ ​​ហើយ​ក្រោម​​​​​ការ​ដឹកនាំ​របស់​​​លោក ​ក៏​នាំ​ឲ្យ​​ក្រុមហ៊ុន​នេះ​មាន​ការ​​ផ្លាស់ប្ដូរ ​​​​​​​ទៅ​ជា​ក្រុមហ៊ុន​ដែក​គំរូ​​មួយ​នៅ​កោះ​តៃវ៉ាន់​។​ ​​ទស្សនវិជ្ជា​​​របស់​​​លោក​​ ​បាន​​​​ដើរតួ​​សំខាន់​​ក្នុង​ការ​​តម្រង់​​​​ទិស​​​​ដល់​​​​​ក្រុមហ៊ុន SYSCO ​​​​ហើយ​ក្នុង​នោះ​រួម​ទាំង​​​ ​​ការ​ប្រើប្រាស់​ស្តង់ដារ​អន្តរជាតិ​​​ ​​ទៅ​​លើ​​គុណភាព ​និង ​សេវាកម្ម​ ​​​​ពង្រឹង​សុវត្ថិភាព​ ​​​​​​ពង្រឹង​​​តម្លាភាព​​ ​​​​​​និង​ ​តម្លៃ ​​​​ ​​ការ​​​​​​បណ្តុះបណ្តាល​​ ​និង ​​អភិវឌ្ឍ​​បុគ្គលិក​​។ ​ចំណុច​ទាំង​អស់​នេះ​ហើយ​បាន​ជួយ​​​ឲ្យ​ក្រុមហ៊ុន SYSCO​ ​ទទួល​បាន​ស្តង់ដារ​អន្តរជាតិ​​មាន​​ដូច​ជា​ ​ស្តង់​ដារ​​​JIS ​​និង ​​​​ISO ​ហើយ​​​​ក្រៅ​ពី​នេះ​ទៀត​ ​​ក្រុមហ៊ុន​នេះ​ក៏​ទទួល​បាន​ពាន​​​រង្វាន់​សុវត្ថិភាព​​ថ្នាក់​ជាតិ​​​ ​និង ​​​បាន​រីកចម្រើន​​​រហូត​ក្លាយ​ជា ​​​​​​​​ក្រុមហ៊ុន​​​​ឈាន​មុខ​គេ​​​​នៅ​ក្នុង​ឧស្សាហកម្ម​នេះ​​​​​​​​​​​​ ​រហូត​មក​​ដល់​សព្វថ្ងៃ​។