កម្មវិធីទំនួលខុសត្រូវសង្គមរបស់យើង (CSR) គឺត្រូវបានដំណើរការឡើងក្នុងគោលដៅដើម្បីជួយដល់សហគមន៍ ដែលក្រុមហ៊ុនរបស់យើងកំពុងដំណើរការអាជីវកម្ម។ មូលនិធិខេ អឹម អេច ត្រូវបានបង្កើតឡើងក្នុងឆ្នាំ២០១២ ដើម្បីឧទ្ទិស និងជាការចងចាំដោយក្តីគោរពចំពោះស្ថាបនិករបស់យើង គឺលោកឧកញ៉ា កាំង ម៉េងហ៊ុយ ក្នុងគោលបំណងសំខាន់ក្នុងការផ្សព្វផ្សាយ និងលើកកម្ពស់ការផ្លាស់ប្ដូរសង្គមប្រកបដោយភាពវិជ្ជមាន តាមរយៈការអប់រំ បរិស្ថាន កីឡា និងការថែទាំសុខភាព។
ISI GROUP គឺជាសម្ព័ន្ធក្រុមហ៊ុនឈានមុខគេផ្នែកកម្មវិធីទំនួលខុសត្រូវសង្គម ដោយបង្ហាញយ៉ាងច្បាស់ថា វិស័យឯកជនពិតជាមានឥទ្ធិពលវិជ្ជមាននៅក្នុងប្រទេសតាមរយៈគំនិតផ្ដួចផ្ដើមដែលមានផែនការច្បាស់លាស់។
មូលនិធិ ខេ អឹម អេច គាំទ្រវិស័យអប់រំនៅក្នុងប្រទេសកម្ពុជា តាមរយៈគំនិតផ្ដួចផ្ដើមផ្សេងៗ មានដូចជា ការជួសជុល និង កសាងសាលារៀនឡើងវិញ កម្មវិធីអាហារូបករណ៍ និង ការបរិច្ចាគអាហារ និងសម្ភារសាលា។
មានកុមារ និងយុវជនកម្ពុជាជាច្រើនជួបបញ្ហាប្រឈមក្នុងការទទួលបានការអប់រំ ហើយបញ្ហាទាំងនោះមានដូចជា កង្វះខាតអគារសិក្សា និងការប្រឹងប្រែងធ្វើការដើម្បីជួយសម្រួលដល់ជីវភាពគ្រួសារដែលនាំឲ្យខកខានមិនបានចូលសិក្សាជាប់លាប់។ ការអប់រំពិតជា មានសារសំខាន់ខ្លាំងណាស់ សម្រាប់ពង្រឹងសមត្ថភាពរបស់យុវជនកម្ពុជា និងដើម្បីកសាងការរស់នៅឲ្យប្រសើរឡើងសម្រាប់មនុស្សជំនាន់ក្រោយ។
លម្អិតបន្ថែមទៀតក្នុងការជួយកសាងជីវិតរស់នៅក្នុងសហគមន៍យើងឲ្យកាន់តែរឹងមាំ និងមានចីរភាព យើងបានចាប់ផ្តើមគំនិតផ្តួចផ្តើមបៃតង ដើម្បីជួយអភិរក្សបរិស្ថានរបស់យើង។
យើងជឿជាក់លើថាមពលនៃការរស់នៅប្រកបដោយចីរភាព និងឥទ្ធិពលរបស់វាទៅលើកូនចៅជំនាន់ក្រោយ។ មូលនិធិ ខេ អឹម អេច របស់យើងបន្តសហការជាមួយដៃគូរដ្ឋ និងឯកជនក្នុងការដាំំ និងបរិច្ចាគកូនឈើបន្ថែមទៀត ដើម្បីជួយកសាងសហគមន៍យើងឲ្យកាន់តែមានភាពបៃតង និងស្រស់បំព្រង។ ក្នុងការជួយបង្កើតបរិយាកាសរស់នៅមួយប្រកបដោយសុខមាលភាពសម្រាប់ទាំងអស់គ្នា យើងក៏បានខិតខំធ្វើអាជីវកម្មតាមរបៀបដែលមិនបង្កផលប៉ះពាល់ដល់បរិស្ថានរបស់យើង។
លម្អិតបន្ថែមទៀតយើងពង្រឹងនូវសក្ដានុពលយុវជនកម្ពុជាតាមរយៈកីឡាដោយបង្កើតឱកាសជាច្រើនសម្រាប់ពួកគេ ដែលមិនអាចងាយរកបាននៅកន្លែងផ្សេង។
ដើម្បីលើកស្ទួយដល់អ្នកជំនាន់ក្រោយ យើងផ្តល់ឲ្យកុមារនូវឱកាសមួយ ដើម្បីស្វែងរកចំណង់ចំណូលចិត្តរបស់ខ្លួនចំពោះកីឡាបាល់ទាត់។ ជាមួយនឹងកម្មវិធីដូចជា ថ្ងៃសហគមន៍ អាយ អេស អាយ និង Girls Onside Football យើងកំពុងជួយលើកកម្ពស់តម្លៃវិជ្ជមានតាមរយៈកីឡា និងត្រួសត្រាយផ្លូវសម្រាប់កីឡាករបាល់ទាត់នាពេលអនាគត។
លម្អិតបន្ថែមទៀតក្នុងការសម្រេចឲ្យបាននូវចក្ខុវិស័យរបស់ ISI GROUP មូលនិធិ ខេ អឹម អេច រួមចំណែកដល់គម្រោងសហគមន៍ និងអង្គការជាច្រើន។
ការផ្តោតលើវិស័យសុខាភិបាលរបស់យើងកើតចេញពីការទទួលស្គាល់ថាជីវិតដែលមានសុខភាពល្អគឺជាជីវិតមួយដ៏គាប់ប្រសើរ។ ដើម្បីគាំទ្រដល់គោលដៅមួយនេះ ក៏ដូចជាជួយលើកកម្ពស់គុណភាពជីវិតសម្រាប់គ្រប់គ្នា យើងបានចាប់ផ្តើមគំនិតផ្តួចផ្តើមផ្នែកសុខភាព រួមមានការបរិច្ចាគឧបករណ៍សំខាន់ៗដល់មន្ទីរពេទ្យ និងការរៀបចំយុទ្ធនាការបរិច្ចាគឈាមនៅក្នុងក្រុមហ៊ុនយើង។
លម្អិតបន្ថែមទៀត
COPYRIGHT, ISI GROUP 2024
